luxatio hugans

awakening

miðvikudagur, apríl 30, 2003

Kristinn Logi, a.k.a Flameboy, bloggar um lífefnafræði og hina ýmsu sjúkdóma á síðunni sinni. Ég er bara að blogga um Friends. Nú finnst mér ég vera grunnhyggin og ekki námi mínu vaxin. EN ALLAVEGA....... Kannski er hann ekki hamingjusamari en ég, eða er hann það?? Kannski er góð tilfinning að vera vel staddur í námi... Ég myndi ekki vita það, ég hef aldrei verið vel stödd í námi, alltaf að frumlesa á síðustu stundu, á ég að fara í prófið eða ekki??? Þessi hugsun kemur upp kvöldið fyrir hvert einasta próf. Á næstu önn, þá ætla ég að lesa jafnt og þétt alla önnina og vera í geðveikt góðum málum fyrir prófin!!!! EINMITT!! Sjald hefur verið sagt, og það gerist aldrei neitt. Annað hvort er ég geðveik, eða að ég er SVO löt að það jaðrar við geðveiki. Hvorn pólinn sem maður velur, bíttar ekki diff!!!

Ég var mjög heiðarleg þegar ég svaraði þessu......
O.K. ég er greinilega að gera allt nema læra





I'm Rachel Green from Friends!

Take the Friends Quiz here.

created by stomps.





þriðjudagur, apríl 29, 2003

Ég er bara einhver flokkamella. Ég tek bara það sem mér hentar héðan og þaðan...... Djöfulsins lauslæti!!!

Ja hérna, ég styð Frjálslynda flokkinn skv afstada.net Þaaaað kom mér nokkuð á óvart, ég verð að viðurkenna það. Annars veit ég ekki hvað er að marka þetta. Nú er ég enn ruglaðari....

mánudagur, apríl 28, 2003

Hí hí, Auður Karen er með kattarútgáfuna af mínu template. Mér finnst það eitthvað fyndið:)

Ég hef líka gleymt að minnast á að ég datt inn á þessa hörmulegu ungfru island.is keppni á föstudagskvöldið. Allavega. Það var verið að krýna þessar aumingjans stelpur í snípstuttum pallíettupilsum í auglýsingahléinu á American idol, þannig að maður asnaðist til að forvitnast. Þá segir Ingvar; Þegar ég sé svona fallega konu með blóm, af því að hún var að vinna, þá fer ég að gráta. Ég stend ráðþrota frammi fyrir þessu barni sem ég á. Hann fer að grenja þegar það á að senda hann á fótboltaæfingu og hann grenjar yfir ungfru island.is. Kræst.

Gat nú skeð að sólin sé farin að skína. Eitt er öruggt og það er að sólin á ekki eftir að skína eftir 18. maí :( En þegar sólin skín þá eru Doddi og Baldur farnir e-h út í óbyggðir að hlaupa. Þetta er farið að minna á vorið fyrir Landsmótið '98, ég get svo svarið það. En ég kvarta ekki, heldur þvert á móti skríki af kátínu, sem segir reyndar mjög mikið um gleðiþröskuld minn þessa dagana. Sjálf hleyp ég ekki!!!! Það kemur ekki til greina, og ber ég fyrir mig chronisku ástandi í tibiofibular syndesmosu. ÞAÐ ER VÍST SATT!! En talandi um hlaup. Þá varð mér litið upp úr Devlin og út um gluggann og sé ég þá unga konu koma hlaupandi úr Öskjuhlíðinni. Ég hef sjaldan séð önnur eins átök með jafn litlum árangri. Aumingja konan bægslaðist og hengslaðist, en komst ekkert úr sporunum. Mér þótti þetta hin besta skemmtun. Stundum held ég að ég sé PURE EVIL.

sunnudagur, apríl 27, 2003

Djöfull verð ég fegin þegar þessar kosningar verða búnar. Það er bara horror að horfa á fjölmiðla þessa dagana. Verst finnst mér að horfa á konur í sjálfstæðisflokknum. Nú hef ég sjálf alltaf aðhyllst sjálfstæðisflokkinn mest, en þessum ágætu konum sem eru í framboði fyrir sjálfstæðisflokkinn er að takast að gera mig algjörlega fráhverfa flokknum. Hanna Birna var í Silfri Egils áðan og hún kom svo illa út, hrokafull og pirruð og fannst ekkert svaravert sem andstæðingurinn hefur að segja. Ásta Möller er önnur hörmung. Ég get ekki hugsað mér að segjast vera sjálfstæðiskona og fólk hugsar um Ástu Möller í sömu andrá og setur mig á bás með henni. Ég veit ekki mitt rjúkandi ráð, en mér finnst þetta unga fólk sem kemur fram fyrir hönd sjálfstæðisflokksins þurfa aðeins að dempa sig niður í hrokanum, allavega get ég ekki hugsað mér að kjósa þau. Ég veit ekki hvað í fjandanum ég á að kjósa!!!

laugardagur, apríl 26, 2003

Doddi er orðinn svo mjór og brúnn að ég ræð mér ekki............

Ég keyrði ein frá Akureyri til Reykjavíkur í gærkvöldi. Þar af leiðandi var algjört möst að kaupa nýja safndiskinn með Queen til að hafa með á leiðinni. Ég vil segja það strax að mér er skítsama hvað fólki finnst um aðdáun mína á Queen, sérstaklega fólki sem hlustar á Bítlana, kræst, þeir taka það til sín sem eiga það, þeir vita hverjir þeir eru!!! Anyways. Ég söng hástöfum alla leiðina, ég komst að því að ég bý yfir hæfileikum sem fólk almennt veit ekki af... Ég er vanmetið talent! Ég þarf að fara að virkja þetta meira. Diskurinn er það góður að tíminn var enga stund að líða:)

fimmtudagur, apríl 24, 2003

Gleðilegt sumar people. Ég er rosalega glöð að veðrið varð ekki betra en þetta í dag. Ég þarf að lesa sama hvernig veðrið er svo best er að það sé vont. Eigingirni ekki satt?! En mér er skítsama. Annars sat ég og var að blóta lífefnafræðinni í dag, þegar Atli frændi kemur og skammar mig og segir að það séu svo margir sem eru með honum á sjó sem langar til að mennta sig en geta það ekki. OG ég fékk sammara. Pæliði að þetta hafi virkað.. Svo til að kóróna allt saman ætlar Baldur í klippingu til konu sem ætlar að kveikja í hárinu á mér, hvar og hvenær sem hún nær í mig. Gott að eiga góða að!!!

miðvikudagur, apríl 23, 2003

Þegar ég sit í bílnum og dansa við stýrið, við lög á FM (Hulda drepur mig), þá dansa ég eins og Stevie Wonder.

mánudagur, apríl 21, 2003

Ég ætla að hringja í Erik vin minn og athuga hvað hann vill mér

Þá er ég orðin kona einsömul. Doddi og Ingvar eru farnir suður yfir heiðar og skildu mig eftir eina á Akureyri. Ég á eftir að kinka meira kolli á heilsugæslustöðinni, eða í þrjá heila daga. Tímaskyn mitt er ekki í góðu lagi. Mér fannst upplagt að fara á heilsugæsluna í upplestrarfríinu fyrir lífefnafræðina. WHY?! Don´t know. Mér fannst ég hafa óendanlega marga daga fyrir lífefnafræðina, en ég er líklega bara með brenglað tímaskyn því upplestrarfríið er að verða búið. Hvernig gerist svona?! Af hverju læri ég aldrei af reynslunni? Rottur læra hraðar af reynslunni en ég.... Ég ætla að fara að reyta hvert hár af höfði mínu núna. Í angist.

sunnudagur, apríl 20, 2003

Gleðilega Páska.
Nú er Ingvar búinn að skipta um skoðun, nú er Guð kall. Og hvert er svo hlutverk Guðs?? Að senda dána fólkið til Nangijala!! Ég get svo svarið það, kristnifræðslan er ein rjúkandi rúst hjá mér... Ég lýsi eftir ábyrgu fólki í þetta. Voru ekki einhverjir skírnavottar eða eitthvað?? Vilja þeir vinsamlegast gefa sig fram. Takk.

laugardagur, apríl 19, 2003

Bekkjasystir hans Dodda var kjörin Fegurðardrottning Reykjavíkur á dögunum sem er náttúrulega helvítis óheppni fyrir Dodda því nú er það alveg úr sögunni að fara í bekkjapartý eða bústað eftir prófin eða svoleiðis. Nú verður lagt blátt bann við því!!!! Nei auðvitað er ég að djóka mar. Ég veit alveg að ég er mest gordjös gella ever, þannig að ég sef rólega á nóttunni áfram. Annars er Erik vinur minn góður vinur hennar líka. Erna á 3. ári hún er svo sæt og skemmtileg og hún er vinkona mín. Þetta nöldrar Erik endalaust. Svo ég sendi honum sms og spurði hvort hún væri ekki alveg rosalega góð vinkona hans núna?? Hann sagði að ég væri sjúk og ætti að hætta að hafa samband við hann:( Með hverjum á ég núna að setja upp danssjóv??

Það er naumast búinn að vera páskabragur á þessu bloggi mínu, en mér sýnist enginn vera að lesa það hvort sem er. En þeir hjá DV voru að skrifa um ummæli Gísla Marteins í garð Þórunnar Lár í helgarblaðinu. SEINIR EÐA!!!! Djöfull er ég nösk á þjóðarsálina maður, ég var löngu búin að blogga um þetta. Til hvers að lesa DV? Lesið bara síðuna mína! En Helvítis, nú verð ég að fara að lesa lífefnafræði. Og það er nákvæmlega jafn ömurlegt og það lítur út fyrir að vera. En ég á 44 þjáningabræður og systur þannig að ég ætti ekki að vera að kvarta. Svo er ég búin að fá páskaegg. Árni frændi gaf mér páskaegg nr. 4, vei, vei.

fimmtudagur, apríl 17, 2003

HarleyGuiding
Harley Cooper: Thu ert uppreisnarseggur og
villingur! Skyrd eftir Harley Davidson
motorhjli, fylgir engum reglum og gerir thad
sem thu villt. Thin veika hlid eru karlmenn,
thu hefur gifst nokkrum sinnum vegna astar, en
thad hefur aldrei gengid upp. Thu ert hins
vegar mjog skotin i nuverandi kaerasta thinum,
hann er logga alveg eins og thu. Vonandi bara
ad hann fai aftur tilfinningu i lappirnar eftir
sprenginguna...


Hvada Leidarljos karakter ertu?
brought to you by Quizilla

Sellófón var æði, ég hló svo ótrúlega mikið. Björk Jakobsdóttir er snillingur. Hún er með alveg rosalega útgeislun, sem náði einhvern vegin alveg til manns. Svo er hún náttúrulega viðurstyggilega sexý, ég held að maður þurfi að vera það til að höfða til beggja kynja á þennan hátt. Eða kannski ætti ég að fara að taka niðurstöðurnar úr lesbíuprófinu alvarlega???!!! Þessi sýning er möst! Strákar, hún er í náttkjól allan tímann ef þið haldið að þetta sé bara fyrir kellingar.
En svo verð ég aðeins að segja frá syni mínum sem er kannski ekki alveg hið dæmigerða barn. Hann fór með ömmu Gunnu í Bónus og hann mátti velja sér hvaða páskaegg sem hann vildi. Nú svo hann valdi sér náttúrulega Bónusegg nr. 3. Amma hans reyndi að benda honum á rekkana af Nóa-Siríus eggjunum og Auja fékk sér Nóa, en hann fékkst ekki með nokkru móti til að skipta. Barnið mitt er ónæmt fyrir auglýsingaáróðri sem dynur á börnum í barnatímanum. Hann tekur eigin ákvarðanir og stendur við þær. Dæmi um það er að hann var eini strákurinn á leikskólanum sem var ekki action man á öskudaginn, hann mátti samt velja sér búning alveg sjálfur.... Ég ætla ekki að segja ykkur hvað hann var....... Sonur minn er ENGINN HOMMI, hann er fullkominn eins og ég......

miðvikudagur, apríl 16, 2003

Ég gleymdi að segja frá einu fjölmiðlaljóninu enn. Ég lenti óvart á Völu Matt í gærkvöldi. Ég var nú lengi ein af þeim sem tók upp hanskann fyrir hana því mér fannst alltaf frekar gaman hvað hún er jákvæð. En þetta endalausa sama tuð er farið að fara í taugarnar á mér. Í gær var verið að skoða einhverja dauðans eldhúsinnréttingu sem var ekki einu sinni merkileg. Þá segir Vala Matt: Já, fórstu bara niður í INNX og valdir þér þessa innréttingu!!!!!!!! Hvað meinar konan?! Átti hún von á að kerlingaruglan hefði farið og valið sér einhverja aðra innréttingu en þá sem endaði loks í eldhúsinu hjá henni. Stundum nöldrar hún bara eitthvað, til þess að nöldra eitthvað. Það er óþolandi.

Ég var á Heilsugæslustöðinni í dag og það var geðveikt gaman. Ég fékk nú ekki að gera mikið, aðeins að hlusta og skoða í eyru og kok, en það var samt gaman. Ákveðinn hluti lesenda minna skilur þetta, hinn hlutinn gerir það ekki. Þannig er nú það. Það er brjálaður hiti á Akureyri og ótrúlega fallegt veður. Svei mér ef hér er ekki best að vera.
Svo ætla ég í leikhús í kvöld á Sellófón. Læt vita hvernig var.......

sunnudagur, apríl 13, 2003

Birgitta Haukdal var að syngja í Stundinni Okkar og meira að segja þar í barnatíma landans, getur hún ekki stillt sig um að vera með p....a út í loftið. Ætlið þið að segja mér það að hún muni dansa svona (með p....a út í loftið) í Riga??! Getur Birna Björns ekki kennt henni ný dansspor. Mér skilst að Birna Björns sé að kenna ýmsum landanum að dansa um þessar mundir. Ég afber þetta ekki, ég mun reita hvert hár af höfði mínu ef hún verður svona í Lettlandi. Það getur ekkert ljósaskilti bjargað þeim ósóma. Getur hún ekki dansað eins og Justin Timberlake?? ÞAÐ VÆRI GEÐVEIKT!

Ég settist aðeins niður í gærkvöld og horfði á Laugardagskvöld með Gísla. Ég er ekki frá því að sá áhugi sé sprottin úr próftíðarsjónvarpsáhorfinu..... en það er önnur saga. Þær komu þarna Lárussysturnar, ótrúlega fallegar stelpur, mér finnst þær svo sætar að ég á ekki lýsingarorð yfir það. Anyways. Þær eru að setja upp eitthvað show á Nasa því þær syngja allar og spila á trompet og Þórunn sagðist bara vonast til að fólki líkaði þetta hjá þeim. Þá segir Gísli: "Ef þið verðið ömurlegar, þá eruð þið allavega sætar"!!!! Er maðurinn að glata samræðuhæfileikunum sem hann er svo rómaður fyrir??! Þórunn varð mjög skrýtin og gretti sig eitthvað, og Gísli varð alveg eins og bjáni: "nei, nei þið eruð ekkert ömurlegar, þið eruð frábærar" Góð redding! Ljósu punktarnir í þessum þætti voru Jagúar sem eru einfaldlega frábærir, og það hefur akkúrat ekkert með Gísla að gera, og svo upplestur Arnars Jónssonar á Disco Frisco, sem hann las með miklum tilþrifum. EN.. í framtíðinni þá held ég að ég geti alveg misst af þessum þætti. Nema í próftíð of course.

laugardagur, apríl 12, 2003

Lesstandur til sölu.
Mig vantar klink.........
Fátækt barn vill fá páskagg...
OK þetta síðasta var fyrir neðan beltisstað....

föstudagur, apríl 11, 2003

Hann Doddi er svo smart. Hann smíðaði náttúrulega 4 lesstanda þegar hann tók sig til. Þetta er ekki innsláttarvilla; standarnir urðu 4!!!! Nú getur hann heldur betur farið að læra. Málið var nefnilega að hann gat ekki lært vegna þess að lesstandurinn hans var svo lélegur. Nú verður gaman að sjá hvort afköstin verða í samræmi við magn standanna:) Þetta minnir mig svolítið á það, að hann Doddi er að bíða eftir nýju líkamsræktarstöðinni sem á að rísa á Valssvæðinu. Því þá... verður hægt að byrja að æfa. Gaman að þessu.

Fisichella vann. Hann hefur verið lýstur sigurvegari!! Jordan kallinn átti þetta skilið. Nú get ég farið að læra nýrun, glöð í bragði. EINMITT!

miðvikudagur, apríl 09, 2003

Sonur minn kom heim af leikskólanum áðan og hafði greinilega fengið biblíufyrirlestur í tilefni páskanna. Í kjölfarið fylgdu spurningar sem ég var mishæf til að svara; Hvert fór Jesú þegar hann dó? Hann fór upp til Guðs, Guð er pabbi Jesú. Er Guð pabbi hans Jesú? Er Guð kall?! Maður segir bara alltaf að Guð sé pabbi hans Jesú. Ég held að Guð sé kona. ER ÞAÐ! Hver segir það? Enginn ég veit það bara. Jaá, ég hef alltaf haldið að Guð sé kall. Veistu, að þegar þú deyrð og ferð upp til himna, þá sérðu að Guð er kona......... sjæse kæsersláten. Hvað segir maður þá? Enda sagði ég ekki neitt, ég var alveg kjaftstopp, og það, vinir mínir, gerist ekki oft.

Fátt myndi gleðja mig meir nú, en ef Fisichella yrði lýstur sigurvegari í F1 keppninni sem haldin var á sunnudaginn. GEÐVEIK keppni. Jordan kallinn á það líka skilið. Þegar ég var að byrja að horfa á formúlu á sínum tíma, þá var myndavélin oft og iðulega á Jordan og þulirnir sögðu "Hér sést Jordan sjálfur, áhyggjufullur á svip." Ég hafði aldrei séð Jordan öðruvísi en áhyggjufullan á svip fyrr en á sunnudaginn, þá hoppaði hann og skoppaði eins og lítið lamb af einskærri gleði og mér hlýnaði um hjartaræturnar og varð hálf klökk. Svo tóku helvítis fíflin sigurinn af honum :( En í mogganum í dag, er verið að fjalla um það að sennilega vann Fisichella eftir allt saman. Það væri óendanlega mikil snilld og Jordan kallinn gæti tekið gleði sína á ný. Mér finnst ljótt að fara svona með fólk. Sérstaklega hann Jordan sem er búinn að vera svo dapur í mörg ár að hann minnir helst á Eyrnaslapa. Eyrnaslapi er önnur döpur fígúra sem ég gæfi mikið fyrir að væri hægt að gleðja. En sjálf á ég reyndar mest bágt, því það eru bara 5 dagar í Anatomiu en það þyrftu að vera 50. Þannig að nú er ég Eyrnaslapi.

Þegar ég vaknaði í morgun, þá var maðurinn minn ekki heima. Ég undraðist mjög, og lét mér detta í hug að kannski væri hann núna farinn til konunnar sem mun gera hann hamingjusamann. Svo að ég hringdi náttúrulega; Hvar ert þú?. Þá fékk ég endanlega staðfestingu á því að hann Doddi er náttúrulega geðveikur. Þá var hann að keyra um allan bæinn til að finna sér efni í nýjan lesstand sem hann er að fara að smíða. Og af hverju núna?! Jú það er nefnilega próftíð!!! Ég vísa í gamlan pistil eftir mig frá 7. apríl. Ennfremur virðist einhver miskilningur kominn upp varðandi goggunarröð í fjölskyldunni. Þó svo að Silja sé svo gömul, að ég man hreinlega ekki hvað hún er gömul, þá er hún bara með lilla bróa... Við Doddi erum elst (samanlagt), komum fyrst, og verðum alltaf númer eitt. Þannig að ég vona að þetta hafi tekið allan vafa af því, hver fer í skúrinn um páskana. AUK ÞESS... er ég með samkomulag við Palla. Og Palli er princip maður sem stendur við sína samninga.

þriðjudagur, apríl 08, 2003

AAAAAARRRRRRRRRRGGGGGGGGHHHHHHHHHH!!!!!!!!!!!!!!! Ég hata líffærafræði

Er til eitthvað orð yfir fólk sem finnst það sjálft mjög fyndið?

Við Baldur erum í letikasti, ættum bæði að vera að lesa undir próf. En við erum að bíða eftir að Doddi komi með petsu og þá er ekki hægt að læra. Baldur stakk upp á því að ég bloggaði eitthvað niðrandi um Palla. Þarna er Baldri rétt lýst. Það þarf ekki að segja mikið meira um Baldur. Hann er alltaf að upphefja sjálfan sig á kostnað annara. Og í þessu tilfelli sitt eigið hold og blóð. Það hvarflar ekki að mér að segja eitt styggðarorð um hann Palla litla, sem ætlar að lána mér (ekki Baldri) skúrinn um páskana. Eitt sinn gat ég barn í skúrnum, kannski geri ég það aftur um páskana. Er það ekki hátíðlegt eitthvað??! Upprisan og nýtt líf. Kool. Ég held að Palli hefði ekkert á móti því.

mánudagur, apríl 07, 2003

Ferlega er lífið steikt og skrítið, en það má alltaf læra eitthvað af því, og taka það með sér áfram. Áfram í aðeins meira basl. Þetta var önnur af tveim hugleiðingum dagsins. Hin er þessi; Af hverju verður dagskráin á RUV alltaf svona góð í próftíð? Þegar það er ekki próftíð, þá er kannski ömurleg heimildarmynd um jazzleikara frá Bandaríkjunum sem mig langar ekkert til að horfa á, en þegar það er próftíð þá er GEÐVEIKT áhugaverður þáttur um jazzleikara frá Bandaríkjunum sem ég gat ekki slitið mig frá. Vísindi fyrir alla er mjög skemmtilegt, Finnskar bíómyndir verða ómissandi og OMEGA, hver gæti trúað því að OMEGA sé bara svona skemmtileg stöð?

föstudagur, apríl 04, 2003

Þegar við Doddi bjuggum á stúdentagörðum í 49 m2, þá vorum við með næturgesti um nánast hverja einustu helgi. Ásta frænka var alltaf á landsliðsæfingum, Olli frændi var eitthvað að brasa og Árni frændi minn. Svo komu náttúrulega Palli og Baldur reglulega og tengdapabbi og bara alls kyns fólk. Og það besta var að yfirleitt komu fleiri en einn í einu. EN... eftir að við fluttum í 106 m2 þá hefur nánast enginn fengið gistingu eða svo til. Raggi var hjá okkur í viku reyndar, en tengdó er alltaf á hóteli, Palli gistir í íþróttahúsum, Baldur er orðinn fjölskyldufaðir, EF ÞIÐ SKYLDUÐ EKKI VITA ÞAÐ! Ásta á kærasta í R.vík og so videre og so videre. En svo kom að því að við fengum næturgesti og þá koma auðvitað allir í einu. Svona er þetta. Hér verður fullt út úr dyrum um helgina og það verður bara gaman. Ætli Silja komi svo ekki í mat með fjölskylduna sína. Systur sína, bróður sinn, vin bróður síns, bróðurson sinn og frænku sína (sem vann ekki söngkeppni framhaldsskólanna, skandall eða?) Þau hafa öll komið. Þau voru líka velkomin. Þórdís, þú ert ALLTAF velkomin......... Silja, hvenær ætlaru að bjóða mér í mat til Þórdísar? Má bróðir minn og vinur hans koma?

fimmtudagur, apríl 03, 2003

Haha, ég komið skyldum lesstofustjóra af mér, á næsta grunlausa grey. Hann spurði mig ræfillinn, hvort þetta væri hryllilega leiðinlegt, og ég sagði náttúrulega "Nei, nei, nei. Alls ekki." Ég lét það liggja á milli hluta að ég missti trúna á mannkynið á tímabili, langaði ekki á fætur og alls ekki í skólann. En nú er það allt að baki og nýr einstaklingur mun upp rísa í lúðrasveitabúningnum með heftarann sér við hönd. Hinn gullna heftara. Ég vona bara hans vegna að hann sé ekki meðvirkur eins og ég. Meðvirkni er ekki að virka í þessu embætti, því komst ég að. Annars virðist þetta vera hörkutól, hann er kallaður Jungle book, er víst alinn upp í Afríku og það er ábyggilega ágætis bakgrunnur fyrir hann í þeim bardaga sem framundan er, þegar annars ágætis fólk breytist í skrímsli. Án gríns, fólk breytist í rándýr yfir lesstofutímum sem gætu tryggt þeim borð. Vakir yfir hverju spori hinna og telur vandlega alla tíma í lok dags. Survival of the fittest. Gangi þér vel Sigurður Ragnarsson:) En annars var dagurinn eins og allir aðrir dagar, ég fokkaði í Baldri og söng með Erik og þrætti við Pétur. Sem sagt; Lífið gengur sinn vanagang. p.s við Erik erum búin að semja geðveikan dans við lagið stórir hringir og hjartalaga. Við ætlum að túra Norðurland á meðan við verðum á chirugiu. Og við erum búin að hanna búninga

miðvikudagur, apríl 02, 2003

Muniði þegar við vorum í grunnskóla og kennarinn var að segja frá einhverju, t.d að tala um kött, þá var alltaf einhver sem sagði: frænka mín, hún á kött. Eða þegar kennarinn var að tala um skipstjóra, þá kom: sko maður frænku minnar, hann, hann er skipstjóri. Og svo framvegis. Ég var þessi krakki. Og því miður, er enn. Þegar við vorum á slysó um daginn, þá var ein stöðin eitthvað að fjalla um brunasár, og viti menn, mín var nú aldeilis með brunasár, út um allt, og flest komu við eldamennsku. Jæja, jæja nú er einhver aumingjans læknir á slysó (Hrafnkell) sem veit meira um brunasárin mín en hann kærir sig um að vita. Nema hvað að allar skemmtilegar sögur hafa pönsjlæn, og pönsjlænið hér er það, að mér tókst að brenna mig á genital svæðinu, við eldamennsku um daginn, EN ég lét ekki þar við sitja heldur sagði fólkinu frá því sem var með mér í hóp á slysó, eins og ég hefði á einhvern hátt verið að sanna mál mitt!! Þetta er sorglegt og ég veit það. En fyrsta skrefið í átt til bata er að viðurkenna vandann. Fyrir þá sem ekki vita hvað genital area er, þá minni ég á anatomiu linkinn stórgóða:)

Ég var að segja Erik vini mínum frá því í dag hvernig hann ætti að negla konu, og halda henni hjá sér æ síðan. Trickið er að næna með smint. Já næna með smint! Frá því ég sagði Svölu vinkonu minni þetta, þá hef ég verið þekkt sem smint stelpan, hjá fólki sem ég þekki ekki neitt. Dæmi um það er þegar ég byrjaði hjá einkaþjálfara í janúar í fyrra, þá sagði Nonni, sá ágæti maður, "já, þú ert smint stelpan, Svala sagði mér frá þér" Já svona flýgur hróður manns víða. En það er gaman að segja frá því að þegar ég byrjaði í þessari einkaþjálfun þá kynnti hann mér reglurnar; mættu þegar þú átt að mæta, mættu tímanlega og gerðu það sem að þér er sagt! Eftir að ég var búin að vera hjá honum í einkaþjálfun og hann fór að fá kúnna eftir mig, þá hafði ný regla bæst við; Mættu þegar þú átt að mæta, mættu tímanlega, mættu edrú og gerðu það sem þér er sagt! Fólk gapti vitanlega við þennan lestur en hann sagði "það er ekki að ástæðulausu sem ég þurfti að bæta edrúreglunni inní" Af því fer svo önnur skemmtileg saga en hana ætla ég ekki að segja. (vísindaferð í lazersjón kom við sögu)

Í gær var 1. apríl og það fannst mér gaman. Ég reyndi að láta Baldur hlaupa fyrsta apríl, með því að fá Jónas Hvannberg (hvönnin, nösin) til að hringja í Bóbó, þykjast vera Jóhann Arnfinnsson, og segja honum að hann eigi að vera mættur í verklegt próf í anatómíu. Það gekk næstum því, en svo fórum við að hlæja. Fyndið hefði verið, ef Baldur hefði komið í skólann með óblásið hár:)
Svo lét ég óteljandi vini mína hringja í klámlínu undir þeim formerkjum að ég væri batteríslaus og gaf þeim upp þennan síma til að ná í mig. Þessu gleyptu allir við, þar með talinn Bjarni bekkjavinur minn, honum var nóg boðið. Honum fannst að ég væri búin að úthúða sér nóg, kallaði hann borðamellu, gerði mikið grín að færnisleysi hans við að setja upp nálar o.s.frv. Bjarni er mjög viðkvæmur og hann er enn að bíða eftir afsökunarbeiðni. Hana fær hann aldrei HAHAHAHAHAHA.
Svona er ég nú mikil tæfa. Ég lét meira að segja mömmu hringja í klámlínu. Hef reyndar ekkert heyrt frá henni, vona að hún hafi ekki dáið við það. Jæja anatómían bíður, vei vei