Til er fólk sem eitrar með nærveru sinni. Slíkt fólk ber að forðast eða, ef ekki verður hjá samskiptum komist, hunsa bara þvæluna sem rennur upp úr þeim. Ég veit þetta allt. Ég bara gleymi því stundum og þá fer ég að hata fólk sem tekur sér bólstað uppi í hausnum á mér en borgar enga leigu. Nú er ég með leigjanda í hausnum frá því í morgun sem vill ekki fara. Þess í stað er hann að innrétta og koma sér vel fyrir eins og hann ætli sér að dvelja um óákveðinn tíma. Ég veit af biturri reynslu að ég verð að koma honum út. Þegar allt annað bregst má alveg reyna að skrifa sig frá því. Sjáum til hvað gerist.