Áratugur.......... er þetta djók??!!

13. maí 1996 gerðum við Doddi okkur grein fyrir því að við værum par. Fram að þeim tíma höfðum við svarað forvitnum athugasemdum vina okkar á þann veg að við værum ekki saman, bara ótrúlega góðir vinir. Enda vissum við ekkert hvert við stefndum með þetta. Óendanlega ólíkir einstaklingar og það var engin skynsemi á bak við þá hugmynd að við ættum einhverja samleið. En svona getur sönn ást verið. Óskynsamleg. Enda hefur það verið svo, að þrátt fyrir allt það óveður og 10 vindstig sem stundum hafa geysað, þá hefur alltaf verið logn þar sem við tvö stöndum, í miðri lægðinni.
Ég elska þig Doddi. Og pottþétt allavega tífalt meira í dag en fyrir 10 árum. Þú ert besti vinur minn og betri föður er ekki hægt að hugsa sér fyrir börnin sín. Takk fyrir síðustu 10 ár og ég hlakka ótrúlega til næstu 10 ára.
Hvernig getum við nú haldið upp á daginn..............