Fer Gísli Marteinn ekki á McDonalds?

Við fórum í Ísbúðina í Skeifunni, gegnt McDonalds, áðan. Þá sáum við Máv opna rusladall, really, og ná sér í bréfpoka úr rusladallinum. Þá þegar mættu nokkrir félagar mávsins duglega og hressa og fylgdust spenntir með framvindunni. Það gerðum við Doddi líka. Þá tók mávurinn í réttan enda bréfpokans, botninn, með gogginum og sturtaði úr pokanum. Þá fyrst mætti liðið í partý og það fylltist allt mávum sem réðust á þessar franskar og hamborgaraleifar sem hrundu úr pokanum. Örugglega 40 stykki af mávum þegar mest var. Greinilega ekki verið skotið á þá við McDonalds því þeir virtust ekki vitund smeikir. Það verður að viðurkennast að það var pínu gaman að sjá þennan útsjónarsama Máv athafna sig, en þetta var viðbjóðslega sóðalegt. Svo það er tvennt í stöðunni. Annað hvort að plaffa mávana eða opna Máva-musement park. Hvort ætli sé meira atvinnuskapandi?