luxatio hugans

awakening

sunnudagur, mars 11, 2007

Delivering Babies!!!!!

Þá er önnur sólarhringsvaktin mín búin og ég hélt áfram að raka inn fæðingum. Ég óttast það að bekkjarfélagar mínir berji mig í frímó á mánudaginn þannig að ég ætla ekkert að vera að segja frá því að ég hafi fengið vatnsfæðingu á vaktinni;) Hehehehe. Jæja það eru þá allar líkur á því að ég bjargi mér ef ég þarf að taka á móti úti í feltinu eða periferinu eftir atvikum. Já við stúdentarnir vitum að það getur verið grínlaust að vera úti í periferinu.
Nú veit pöpullinn ekkert hvað ég er að fjasa, og ég veit ég er að fjasa, ég er svefnlaus, en það er alveg sjúklega fyndin menningin á spítalanum að kalla læknanema stúdenta og sumt fólk getur ekki sagt úti á landi, heldur verður að tala um periferið. Þetta eru sér í lagi eldri sérfræðingar sem tala um okkur sem stúdenta eða ávarpa okkur sem slíka. "Segðu stúdentunum hvernig á gera þetta", "Láttu stúdentinn taka þennan journal", eða "Láttu stúdentinn fylgjast með." Ógleymanleg er sagan af ónefndum mági mínum. Hann var búinn að vera að aðstoða í aðgerðum allan morguninn, ætlaði að gerast svo djarfur að fá sér hádegismat og var að labba út skurðstofuganginn þegar einn eldri sérfræðingur öskrar á eftir honum: "STÚÚÚÚDENT!!!! ÞVOÐU ÞÉR!!!!" En að þvo sér vísar ekki til óhreinlætis viðkomandi heldur að hann eigi að skrúbba sig og standa sterill í aðgerðinni með skurðlækninum. Allavega. Sjúklega fyndið og getur einhverra hluta vegna bara komið fyrir suma;)