Belgíska Kongó

Við Doddi fórum á Belgíska Kongó í Borgarleikhúsinu áðan. Ég held ég hafi aldrei, aldrei, aldrei, hlegið meira á leiksýningu. Þetta var æðislegt. Ég hef nú aldrei verið neinn aðdáandi Eggerts Þorleifssonar en maðurinn er frábær í þessu hlutverki. Ég hló ennþá svo mikið þegar ég labbaði út úr salnum að ég grét og hristist og var farin að dauðskammast mín, en gat samt ekki hætt. Það bara verða allir að sjá þetta.