Eymd
Djöfulsins hrottaskaup var þetta!!!!! Skelfing, skelfing, skelfing. Og ég er ekki ein af þeim sem hrýn yfir því hvað skaupið er slæmt ár eftir ár. Það sem mér fannst best í þessu skaupi var Björgvin Frans með eftirhermurnar. Annað var bara þannig að ég vissi yfirleitt ekki að hverju var verið að gera grín. HVAÐ VAR MÁLIÐ með Eddu Björgvins og Ladda í Kringlunni?? OK ég veit að það eru allir komnir með leið á Baugsmálinu en.. hefði ekki mátt drepa á því þrátt fyrir það. Kaupin á Magasín?? Ekkert um það að Davíð fór úr stjórnmálunum. Nýr formaður og varaformaður sjálfstæðisflokksins. R-listinn dauður. Slagur Gísla Marteins og Villa Vill. Alfreð fær að byggja sjúkrahús. Jónína í Kastljósinu eða Kári Stefáns í Kastljósinu. Og ótrúlega margt annað sem gerðist á þessu fokkings ári. Gefið mér lyklana að skaupinu. Ég get allavega ekki klúðrað þessu meira.
2 Comments:
Allý mín, þú hefðir átt að vera í eyjum með okkur að horfa á skaupið, það var eitthvað betri útsending þar því heima hjá mér að gargað af hlátri hvað eftir annað. Sérstaklega af Björgvin Franz, sem var óborganlegur, en líka af Eddu og Ladda, jólainnkaupin fyrir marga í hnotskurn.
Ár eftir ár er kvartað yfir þessari pólitík í skaupinu og þá sérstaklega Reykvískri pólitík sem t.d. Vestmannaeyjingar, eru ekkert áhugasamir um. Einnig var eitt sinn Skjár einn tekinn í gegn, þrátt fyrir að fæstir landsmenn gætu séð þá stöð og vissu ekkert hvað var verið að gera grín að.
Ég var rosa ánægð með skaupið en ég hefði líka hlegið hefði verið gert grín af pólitík, því ég er farin að horfa á fréttir, eitthvað sem hefur komið með andlega heilbrigðinu. Ég hlæ meira að segja oft af spaugstofunni og reyni að segja frá hvað þeir voru fyndnir þegar ég hitti fólk, oft við litlar undirtektir. En það eru ekki allir komnir eins langt og ég á þessari andlegu braut ;)
Já Hrefna þetta líkar mér. Svona eiga komment að vera;)
Skrifa ummæli
<< Home