awakening
Það er naumast að Prófaveðrið ákvað að taka mig í ra......... í ár. Rjómablíða. Rétt upp hend sem þorir að leggja pening undir, á að það komi óveður 11. mars. Mig langar til að blóta á allskyns vegu. En það gerir maður ekki á opnum vef.
Muhahaha, hló Prófaveðrið í dag. Þú hélst að þú gætir leikið á mig með því að vera í prófum í febrúar!! En þar skjátlaðist þér. Ég skelli bara á blíðu, einn, tveir og núna. Já og best að hafa það bara heitastu daga sem mælst hafa í febrúar, fyrst ég er að þessu á annað borð. ÞÚ GETUR GLEYMT ÞVÍ AÐ ÞÚ FÁIR AÐ TAKA PRÓF Í VONDU VEÐRI!!
Ok. Ég fór aftur í gær. Þegar kínverjinn var að nudda á mér hársvörðinn, og það var betra en það gerist best í klippingu, þá var ég næstum því búin að spyrja hann hvort hann langaði í varanlegt dvalarleyfi á Íslandi. Gaurinn er pottþétt meira en 25.
haha ég er að kafna úr hlátri við að hlusta á Svövu í 17 syngja "I will survive" í karoke keppninni í Ísland í bítið. Váá, hvað þetta er lélegt, vona svo sannarlega að konan hafi húmor fyrir sjálfri sér. Þetta var öllu betur gert hjá mér og Kristínu Lindu og Belee um árið. Jamm. Annars horfum við Ester Helga á Ísland í bítið á hverjum morgni núna. Ekki misskilja mig, að sjálfsögðu á ég við seinni sýninguna sem er frá 10-12. Við erum ekki vaknaðar klukkan 7.00. Ég er ekki frá því að ég sé betur upplýst um samfélag mitt, við það að horfa á þennan þátt. Púlsinn tekinn. Annars er það nú meira þannig að það er kveikt á sjónvarpinu á meðan við sinnum okkar daglegu athöfnum mæðgurnar. Það er ekki svo mikið þannig að ég poppi og komi mér fyrir í sófanum fyrir framan Ísland í bítið. Bara svona til að fyrirbyggja alla fordæmingu sem var í uppsiglingu.
Það sem stendur uppúr fréttatíma Sjónvarpsins í kvöld er annars vegar það hvað ég fíla Árna Magnússon rosalega vel, eins og áður hefur verið sagt, og hins vegar fyrir hvað stendur G í G. Pétur Matthíasson? Hvað er svo ömurlegt að maður vilji ekki heita það, en samt ekki nógu ömurlegt til að droppa G-inu?
Humm, á þessu heimili voru sumir búnir að ákveða að hunsa auglýsingarskrum og sölumennsku sem nefnt hefur verið Valentínusardagur, en aðrir héldu að einhverjir kynnu að reiðast ef ekkert yrði keypt, og til að gera langa sögu stutta þá áskotnaðuðust mér 3 tímar í kínversku nuddi. Þetta eru Kínverjar sem reka Kínversku Náttúrulækningarnar á Skólavörðustíg. Allavega, ómægod. Nú hef ég hitt einn og einn sjúkraþjálfarann og nuddarann og ómægod. Þetta var ótrúlegt. Það nuddaði mig pínulítill Kínverji með klístraða, litla, chubby, unaðslega fingur. En ekki nóg með það heldur nuddaði hann mig með fótunum líka. Hann minnti á fimleikaapa. Fimleika segi ég, því gaurinn hékk í tvíslá á meðan hann nuddaði mig með fótunum og apa, því fimin sem gaurinn er með í fótunum minnir helst á apa. Hann nuddaði hvern lið fyrir sig í bakinu á mér með fótunum. Auðvitað er sjúklega snjallt að nota eigin líkamsþunga við nuddið en ekki vera að puða þetta. Ég mæli með þessu við alla sem eru með bakkvilla. Ég hef prófað skrilljón sjúkraþjálfara sem rukka 2900 fyrir 20 mínútur, ef það nær þá því, og ég hef ekki fengið bót minna meina hjá þeim. Mér hefur líkað einna best við Ingu í KA heimilinu, en svo fór hún að nudda landsliðið og þá var það búið. Jamm.
Ég fór á Árshátíð Læknanema á laugardaginn. Það var mjög skemmtilegt. Haldið á Hótel Sögu og maturinn var hreint afbragð. Ég hef ekki farið á síðustu tvær árshátíðir og man ekki eftir að hafa borðað á þeirri fyrstu, solleis að maturinn á þessari stendur uppúr. Jamm.
Reynir Tómas að gera á forsíðu DV, skælbrosandi undir fyrirsögninni: "Dvergum eytt á Íslandi?" Ekki smart. Og ábyggilega allt öðruvísi en hann hafði hugsað sér, ef hann þá var á annað borð spurður.
Já góðir hálsar, þá á maður bara nýtt borðstofusett. Það er svona þegar tengdaforeldrarnir fá sér nýtt. Maður er alltaf að græða.
en samt verð ég að segja að mér finnst miklu skemmtilegra að hlusta á ensku lýsingarnar heldur en þær íslensku. Þegar einhver er jafn sjálfsörugg og klár og ég, og þorir að mynda sér sínar eigin skoðanir, þá raðast skoðanir manns á alla flokka.
Ég slefaði yfir fréttablaðinu í dag þegar ég las um miðlægt ryksugukerfi. Þá er eitt ryksugu unit, í bílskúrnum eða eitthvað, og svo liggja rör í öllum veggjum hússins, og svo stingur maður bara ryksugubarkanum í samband í vegginn OG RYKIÐ FER ÚT ÚR HÚSINU. Ohhhh um mig fer unaðshrollur. Hægt er að hafa innstungu í eldhúsinnréttingunni og þá sópar maður bara brauðmylsnu og öðru í átt að innstungunni. Ég finn einhverja undarlega lostatilfinningu. Ætli það sé eðlilegt?
Það ættu öll heimili landsins að eiga einn krúttlegan patholog sem heitir Jón Gunnlaugur. Nauðsynlegt alveg. Pínu sad samt þegar svona hrikalega yndisleg mannvera velur sér að verða patholog. Hann ætti að mínu mati að fást við fólk en ekki fixeringar. En ég var aldrei spurð.
Stelpudagar í Sambíóunum. Góðu kvikmyndirnar sem boðið er uppá. Ég held að jafnréttisfulltrúi háskólans ætti að æsa sig yfir því að Sambíóin skuli flokka kvenþjóðina sem hálfvita, og láta saklausa læknanema í friði. Fyrir þá sem geta ekki fylgst með æsispennandi spjallinu á spjallrásum læknanema, þá er jafnréttisfulltrúi háskólans að ærast yfir brenglaðri jafnréttisvitund læknanema. Ég vissi ekki einu sinni að ég hefði jafnréttisvitund, fyrr en að mér var bent á að hún væri brengluð.
Jæja úrslitin í enska voru okkur hagstæð í gærkvöldi þegar Man. Utd. lagði Arsenal í þrælskemmtilegum leik. Nei hvernig læt ég. Þú varst náttúrulega að horfa.
er hálfviti. Það er ekki til neinn veruleikafirrtari maður. Firring mannsins er með slíkum ólíkindum að ég kem ekki orði fyrir mig. Ég gleymi því aldrei þegar ég hlustaði á manninn í útvarpsviðtali, þar sem hann var spurður að því hvort hann gæti lifað af 40 krónum á mánuði, í tengslum við öryrkjafárið (minnir mig). Já hann hélt það nú. Hann sagði að hann myndi bara leigja með einhverjum vini sínum. Það mætti alveg lifa af þessu ef fólk skipti bara reikningunum á milli sín!!!!!!!
